Voice Through Literature

Author Thinley's Journey

སྐད་ཡིག་གི་འགྱུར་བ།

རི་བྱ་འཁོར་ཏེ་གཡུས་བྱ་བཏོན།  ཟེར་དོ་བཟུམ་སྦེ་ རྫོང་ཁའི་སྐད་ཡིག་ལུ་བསྒྱུར་བ་སོང་ཡོད་པའི་ཁར་  ད་རུང་དུས་ཡུན་གང་མཚམས་ཅིག་ནང་ ཕྱིའི་དངོས་པོའི་འཕེལ་རིབ་དང་ ལམ་སྲོལ་གྱི་བསྒྱུར་བ་ལུ་བསྟུན་ རྒྱལ་ཁབ་ནང་ལུ་ སྐད་ཡིག་གཞན་མང་ཆེ་སུ་སྦེ་ལག་ལེན་འཐབ་པའི་སྐབས་ རྫོང་ཁ་འདི་ཡལ་འགྱོ་ནིའི་ཉེན་ཁ་བྱུང་སྲིད། འཕྲལ་སྐད་དང་བསྟུན་ཏེ་བརྡ་གསརཔ་སྣ་ཚོགས་བཟོཝ་ལས་བརྟེན་སྐད་ཡིག་ནང་ལུ་ལེགས་ཉིས་ཀྱི་འགྱུར་བ་སྦོམ་འཐོན་ཏེ་ཡོད། དཔེར་ན་ ས་སྒོ་ལུ་ ས་གོ། ཨ་ལོ་ལུ་ཨ་ལུ ཟེར་དོ་བཟུམ་ཨིན། ཆོས་སྐད་ཀྱི་སྡེབ་བཅོས་ཏེ་རྫོང་ཁའི་བརྡ་ཡིག་གཏན་ལ་ཕབ་པ་ལུ་བརྟེན་བྱུང་བའི་འགྱུར་བ་། རྫོང་ཁའི་སྐད་ཡིག་དང་གཅིག་ཁར་ ཁ་སྐད་སྣ་ཚོགས་སླ་བསྲེ་སྟེ་རྐྱབ་པའི་རྐྱེན་གྱིས་སྒྲ་སྐད་ཀྱི་རྣམ་འགྱུར་སོ་སོར་བྱུང་སྟེ་ ཨོམ་གྱི་བྲོཝ་ཆུ་གིས་འཐོན་དོ་བཟུམ་རོགས་ཁ་མ་ཤེས་རང་ཁ་འབྱང་མི་ལས་བརྟེན་སྐད་ཡིག་ནང་ལུ་འགྱུར་བ་འཐོན་འོང་། ཡིག་སྡེབ་འདྲི་མིན་སྣ་ཚོགས་བྲི་བའི་སྐབས་ལུ་ སྐད་ཡིག་ལུ་འགྱུར་བ་སྲིད་འོང་། རྫོང་ཁའི་ངག་གིཤས་ཀྱི་སྐྱེ་གནས་དང་མཐུནམ་སྦེ་སྦྱོར་ཀློག་རྐྱབ་མ་ཚུགསཔ་ལས་བརྟེན་པའི་འགྱུར་བ།། ཡི་གུའི་སྒྲ་གདངས་དང་མཐུན་པའི་བརྗོད་སྒྲ་ཚུ་མི་སླབ་པར་ རང་སོའི་བསམ་སྦྱོར་དང་ ལུང་ཕྱོགས་ཀྱི་སླབ་ཐངས་ཚུ་དང་འཁྲིལ་ཏེ་ ག་ཚུད་གུ་ཚུད་སྦེ་བཟོ་སྟེ་སླབ་འགྱོ་བའི་སྐབས་ལུ་  རྒྱལ་ཡོངས་སྐད་ཡིག་རྫོང་ཁའི་རྗོད་སྒྲ་དག་མ་ཚུགས་པར་ སྐད་ཡིག་ལུ་འགྱུར་བ་འགྱོ་འོང་ནི་དང་ མིང་གིཞ་དང་སྔོན་འཇུག་ རྗེས་འཇུག་ག་ར་ལུ་སྲོག་མེད་ཀྱི་ཡི་གུ་བཟུམ་འགྱོ་སྟེ་ སྔོན་བྱོན་རྒྱལ་བ་གོངམ་ཚུ་གིས་གསུངས་ཡོད་པའི་རྫོང་ཁའི་ངག་གཤིས་ངོ་མ་འདི་ ར་ཡལ་འགྱོ་སྟེ་ ཟུར་ཆག་གི་སྐད་ཡིག་དར་ཁྱབ་འགྱོ་ནིའི་ཉེན་ཁག་སྦོམི་ཡོད། རྗེ་བཙུན་བསོད་ནམས་རྩོ་མོས། དེ་ལ་རང་གི་ཡུལ་གྱི་སྐད།། མ་དག་པ་ཡི་ནོར་བ་མཐོང་།། ཞེས་དང་། མདོར་ན་སྒྲ་ཡི་འབྱུང་གནས་ལས།། འགལ་འདུའ་ཡི་གི་བཀླག་པར་དཀའ།། ཟེར་གསུངས་དོ་བཟུམ།… Continue Reading →

མི་རྟག་པ།

གདོང་གཉེར་མ་འཐོན་པའི་རྒན་རྒས་དང་།། གཞོནམ་མེ་ཏོག་བཟུམ་སྦེ་མཛེས་མི་ཚུ་།། སྤང་མཛེས་པའི་རྒྱན་ཆ་འཇའ་འཚོན་བཟུམ།། དུས་ཨ་རྟག་ཤར་བའི་དུས་མཉམ་མེད་།། རྒྱུ་ཅ་ལ་ག་བཟུམ་ཡོད་རུང་ཡང་།། སེམས་ཤོར་དགོཔ་མིན་འདུག་ང་བཅས་ཚུ།། ཨའི་ཡོད་མི་ལེགས་ཤོམ་ལག་ལེན་འཐབ།། རང་ཤི་བའི་དུས་ལུ་འབག་ནི་མེད།། རང་མནོ་བའི་རེ་བ་མ་སྒྲུབ་རུང་།། སེམས་ཕན་པའི་མནོ་བསམ་བཏང་སྟེ་གིས།། ཨའི་སྨོན་ལམ་ལེགས་ཤོམ་བཏབ་པ་ཅིན།། ལོག་མི་ལུས་རིན་ཆེན་འཐོབ་ནི་ཡོད།། ཡར་དཀོན་མཆོག་༣ལུ་མཆོད་པ་འཕུལ།། མར་ས་གསུམ་ཁམས་ལུ་སྦྱིན་པ་གཏངན་།། ཨའི་ད་རེས་ཕན་པའི་ལམ་གཅིག་ཨིན།།  མཇུག་སངྱས་འཐོབ་པའི་རྒྱུ་གཅིག་ཨིན།། སེམས་ཡི་དམ་ཆེན་པོ་བསྒོམ་དེ་གིས།། ཁ་བཛྲ་གུ་རུ་དེ་ར་སྦྱང།།  ཨོཾ་ཨཱ་ཧཱུ྇་བཛྲ་གུ་རུ་།། པདྨ་སི་ཌི་ཧཱུ྇།།

འཆི་བའི་སྨན་ཆེན།

མཛེས་སྡུག་ཆེ་བའི་སྨན་ཆུང་བུ་མོ་དང་།། ཆགས་པ་ཆེ་བའི་འདོད་ཅན་ཕོ་མོ་ཚུ།། ཨོཾ་ཨཱ་ཧཱུ྇་བཛྲ་གུ་རུ་ཁ་ཐུན་བགྱངས་།། མི་རྟག་འཆི་བ་དགེ་སློང་བརྙན་རྗོགས་ཨིན།། གོ་ས་གོ་གནས་དབང་ཚད་ཅན་གྱི་དཔོན།། འཕྲོག་བཅོམ་ཨར་རྐུན་འབད་མི་སྡིག་ཅན་ཚུ།། ཨོཾ྇་ཨཱ་ཧཱུ྇་བཛྲ་གུ་རུ་ཁ་ཐུན་བགྱངས་།། མི་རྟག་དྲང་དཔོན་ལམ་ལུ་ཐུག་དགོཔ་ཡོད།། འཇིག་རྟེན་རྒས་པའི་ཨ་རྒས་ཨང་རྒས་དང་།། རྣམ་གཡེང་ཆེ་བའི་ན་གཞོན་ཕོ་མོ་ཚུ།། ཨོ྇་ཨཱ་ཧཱུ྇་བཛྲ་གུ་རུ་ཁ་ཐུན་བགྱངས་།།  མི་རྟག་འཆི་བར་འཆི་རྐྱེན་ངེས་པ་མེད།། འཇའ་རིསམོ་ས་རིསམོ་ཅན་གྱི་ཕོ་མོ་དང་།། ན་ཚོད་ཆུང་བའི་འདོད་ཅན་གཞོན་ནུ་ཚུ།། ཨོཾ་ཨཱ་ཧཱུ྇་བཛྲ་གུ་རུ་ཁ་ཐུན་བགྱངས་།། ནེར་མ་ཅན་གྱི་ལུས་ལུ་འགྱུར་ནི་ཡོད།། བྱིན་རླབས་ཅན་གྱི་དཀོན་མཆོག་མཆོད་པ་དང་།། ལས་ངན་ཆེ་བའི་ངན་སློང་སྦྱིན་པ་འདི་།། ཨོཾ་ཨཱ་ཧཱུ྇་བཛྲ་གུ་རུ་ཁ་ཐུན་བགྱངས་།། འདི་ལྷག་པའི་མཆོད་རྫས་གཞན་མེད་དོ།།

རང་གི་སྒོ་ཐེམ་རྩ་བར་ཡོད་པའི་ གནས་དགོན་ལུ་དད་མོས་བསྐྱེད་དགོཔ།

སྤྱིར་བཏང་ གནས་དགོན་འདི་ལུ་ བྱིན་རླབས་ཆེ་ཆུང་གི་དབྱེ་བ་མེད་པར་ གནས་དགོན་མཇལ་མིའི་མོས་པ་ལུ་ བྱིན་རླབས་ཆེ་ཆུང་གི་ཁྱོན་བཞུགས་མི་ཡང་ བསམ་པ་དགེ་དང་མི་དགེ་བྱེ་བྲག་ལུ་བརྟེན་ཨིན་མས། གནས་དགོན་འདི་ སངས་རྒྱས་སྟོང་གི་འདུ་ཁང་ཨིནམ་ལས་ སངས་རྒྱས་སྟོང་བཞུགས་པའི་གདན་ས་འདི་ཁར་ ལེན་ཐེངས་གཅིག་ཕྱག་འཚལ་ཏེ་ སྨོན་ལམ་བཟང་པོ་བཏབ་ནིའི་ གོ་སྐབས་ཐོབ་པ་ཅིན་ངན་སོང་གི་འཇིགས་པ་ལས་ གྲོལ་ཚུགས་པའི་ཁར་ ཕྱག་མཆོད་ལེགས་ཤོམ་སྦེ་ཞུ་ཚུགས་པ་ཅིན་ ལྷ་ཁང་གི་བྱིན་རླབས་ཀྱིས་འཕྲལ་ལུ་ མི་ནོར་ཕྱུགས་གསུམ་དར་ཞིང་རྒྱས་པའི་ཁར་ མི་ཚེའི་གཡང་གི་དོངས་གྲུབ་ཐོབ་སྟེ་ ན་ཚའི་སྡུག་བསྔལ་མེད་པར་འགྲོ་ལམ་བཟང་སྟེ་ སྐྱིད་ཏོག་ཏོ་སྦེ་སྡོད་ཚུགས་པའི་ཁར་ ཕུགས་སུ་སངས་རྒྱས་ ཐོབ་པའི་རྒྱུ་མངོན་སུམ་དུ་ཤེས་ཚུགས་ཏེ་ སངས་རྒྱས་སྟོང་གི་ཞིང་ཁམས་ལུ་སྐྱེས་ཚུགས་པའི་ དགོས་པ་ཡོད་ཟེར་བཤདཔ་ཨིན་མས། དེ་འབདཝ་ལས་ གནས་དགོན་ལུ་ དྲག་ཞན་ཆེ་ཆུང་ རིང་ཐུང་གི་དབྱེ་བ་མེད་པར་ འདི་ལུ་དད་མོས་བསྐྱེད་དེ་ སྨོན་ལམ་དྲི་མ་མེད་པའི་མཚམས་སྦྱར་དགོཔ་དང་ ལུས་ངག་ཡིད་གསུམ་པོའི་ཐོག་ལས་ ཕྱག་ཕྱིད་ཞབས་ཏོག་ཏོ་ཞུ་དགོཔ་འདི་གལ་ཆེ་ནི་མས། ལས་དང་སྐལ་བ་མེད་པའི་ ལོག་ལྟ་ཅན་དང་ལས་ཉོན་གྱིས་སྒྲིབ་པའི་མི་ཚུ་ལུ་ “ཆོས་སྐུ་ནམ་མཁའ་གང་ཡང་སྟོང་པར་མཐོང་། ། སྤྲུལ་སྐུས་ས་གཞི་ཁྱབ་ཡང་ཡིད་མ་ཆེས། ། སངས་རྒྱས་གོ་རྩར་བྱོན་ཡང་ཡན་པོར་མཐོང་། ། ཆོས་མེད་མི་མགོ་བསྐོར་ན་ཡ་མཚན་སྐྱེས།… Continue Reading →

རལ་གྲི་འོད་འབར་བ། The Illuminous Dagger

My First Novel, The Illuminous Dagger is written during college times with sheer interest and could not publish due to financial problem. However, on mid 2020, during my first year in the service as a teacher was a blessing in… Continue Reading →

ཆང་གི་གནོད་པ། མི་སྡེའི་གནས་སྟངས་ལུ་གཞི་བཞག་སྟེ་བཤད་པ།

ཆང་མེན་ཆུ་ཨིན། ཆང་འདི་ཆུ་བ་ལྷག་སྟེ་འཐུང་ཚུགས་པའི་ཁར་ ཆང་འཐུང་མི་མི་འདི་ བྲོ་ག་ནི་ཡང་མེད་པའི་ཆུ་བཟུམ་ཅིག་ལུ་འགྱུར་བའི་དོན་མཚན་པའི་ཁར་ རིན་ཐང་དང་གནས་གོང་ག་ནི་ཡང་མེད་པའི་མི་ཅིག་ལུ་འགྱུརཝ་ཨིན། མི་མཁས་པ། ཏོག་གོ་ས་ཅན། དམག་དཔོན། གཉའ་རྒོད། མཚན་ཉིད་ཅན་གྱི་བླ་སློབ། ག་དེ་ཅིག་ཡོད་རུང་ ཆང་འཐུངམ་ཨིན་ཟེར་བ་ཅིན་ ཨེངའ་་ཟེར་སླབ་ཨིན་མས། བུམོ་འཇའ་རིསམོ་ག་དེ་ཅིག་ཡོད་རུང་ ཆང་འཐུང་པ་ཅིན་ བུཚ་ཚུ་གིས་ ཨེངའ་་་་ཟེར་སླབ་པའི་ཁར་ སྦྱིན་བདག་གི་བུཚ་ག་དེ་ཅིག་རྒྱུ་ནོར་ཡོད་རུང་ ཁོ་ཆང་འཐུང་པ་ཅིན་ བུམོ་ཚུ་གིས་ ཨེའང་ ཟེར་སླབ་ཨིན། དེ་འབདཝ་ལས་ ཆང་འཐུང་པའི་མི་འདི་ བྲོ་དང་རིན་གོང་ག་ནི་ཡང་མེད་པའི་ཆུ་ལུ་དཔེ་བཞགཔ་ཨིན་མས།ཆང་འདི་ལུ་བརྟེན་ཏེ་ མི་ལུ་འགྱུར་བ ་གསུམ་འབག་ཚུགསཔ་ཨིན། དང་པ་སྤྱའི་འགྱུར་བ། གཉིས་པ་སྟག་གི་འགྱུར་བ། གསུམ་པ་ཕགཔ་གི་འགྱུར་བ་ཨིན། དེ་ཡང་ དང་པ་ཆང་འཐུང་བའི་སྐབས་ སྤོབས་བཏགས་ཏེ་ གད་བྲོ་སོགས་བསྒྱུར་བའི་ཁར་ བློ་ག་ལྷོད་སླབ་ ལུས་ག་ལྷོད་སྤར་ཏེ་ མི་གི་ལུས་ལས་སྤྱའི་སྤྱོད་པ་སྟོནམ་ཨིན་། དེ་བསྒང་ཆང་འཐུང་མི་འདི་ གད་བྲོ་འབདཝ་མས་མོན་སྟེ་ གཞན་གྱིས་ཡང་གད་བྲོ་འབད་ཁར་… Continue Reading →

We are disconnected to reconnect.

Nature is a mother of invention and Covid_19 is a blessing in disguise. We lost many of our friends to covid 19 and learnt what relationship is all about. Economic downfall was world’s heavy burden and it printed that there… Continue Reading →

རྫོང་ཁའི་ཡིག་སྡེབ་ཀྱི་གནས་སྟངས་དང་དཀའ་ངལ། Why Dzongkha spelling error?

སློབ་གྲྭ་ཁག་སོ་སོ་ཚུ་ནང་ སློབ་ཕྲུག་ཚུ་གིས་ རྫོང་ཁའི་ཡིག་སྡེབ་དག་ཏོག་ཏོ་བྲི་ནི་ལུ་ དཀའ་ངལ་ཡོད་མི་དེ་ཡང་ དང་པ་ སློབ་ཁང་ནང་ལུ་ བྲི་ནིའི་སྦྱོང་ལཱ་རེ་སྤྲོད་པའི་སྐབས་ལུ་ རྫོང་ཁའི་ཡི་གུ་ཐོག་ལས་མེད་པར་ ཨིང་སྐད་ཀྱི་ཡི་གུ་ཐོག་ལུ་ དོན་དག་གོ ཚུགསཔ་སྦེ་ཟིན་བྲིས་བཏབ་བཞགཔ་ཨིན་མས། གཉིས་པ་ རྫོང་ཁའི་ཡི་གུ་ཚུ་ ཁ་ལས་རྗོད་སྒྲ་ག་སླབ་མི་འདི་ ཡིག་ཐོག་ལུ་ སྣང་བ་གང་ཤར་སྦེ་ བྲི་ནི་འདུག། གསུམ་པ་ རྗོད་སྒྲ་ཅོག་འཐདཔ་འབད་མི་ མིང་ཚིག་ཚུ་འཛོལ་ཏེ་བྲི་ནི་དང བཞི་པ་ སྐད་ཡིག་དང་ཡི་གུ་སྦྱོར་བ་ནང་ཡོད་པའི་ ཕྲད་དང་རྣམ་དབྱེ་གི་ ཐོབ་ཐངས་མ་ཤེསཔ་ལས་ ཡིག་སྡེབ་འཛོལ་བ་འབྱུངམ་ཨིན་མས། ལྔ་པ་ དུས་གསུམ་གྱི་རྣམ་བཞག་དང་འཁྲིལ་བའི་ སྔོན་འཇུག་ རྗེས་འཇུག་དང་ ཡང་འཇུག་ཚུ་བཙུགས་མ་ཤེས་པའི་ དཀའ་ངལ་ཚུ་ཡོདཔ་ལས་བརྟེན་ཨིན།དེ་བཟུམ་མའི་ དཀའ་ངལ་ཚུ་བསལ་དགོ་པ་ཅིན་ སློབ་དཔོན་ཚུ་གིས་ སློབ་སྦྱོང་ལས་དོན་ནང་བཀོད་མི་ ཡིག་སྡེབ་ཚུ་ ཤེས་མ་ཤེས་དབྱེ་ཞིབ་འབད་དེ་ སློབ་ཕྲུག་ལུ་ ལོག་བྲི་ནིའི་གོ་སྐབས་སྤྲོད་དགོཔ་འདུགསློབ་ཕྲུག་གིས་ ཡིག་སྡེབ་འཛོལ་བ་འབྱུང་མི་ཚུ་ མང་ཤོས་ར་… Continue Reading →

རྫོང་ཁའི་ཡིག་སྡེབ་དགཔ་སྦེ་འབྲི་དགོ་པའི་ཁུངས།Importance of correct Dzongkha spelling

ཡིག་སྡེབ་དགཔ་སྦེ་ འབྲི་དགོ་པའི་ཁུངས་ཡང་ སྐྱབས་རྗེ་བདུད་འཇོམས་རིན་པོ་ཆེ་འཇིགས་བྲལ་ཡེ་ཤེས་རྡོ་རྗེ་གིས (མེད། ཤོག་གྲངས་ ༡༡) “ཞིབ་ཏུ་བརྟག་ན་མི་འདྲ་བས།། འཁྲུལ་པ་འབྱུང་བར་མི་སྲིད་ཀྱང་།། རྨོངས་པ་ཕལ་ཆེར་རྒྱ་ཚོམ་དུ།། ནོར་བར་བྲིས་ཤིང་ནོར་བར་ཀློག།། ལོག་པར་གོ་བ་དོན་འཆུག་སྲིད།། དེས་ན་བརྡ་དག་ལ་བརྟེན་ནས།། མ་ནོར་དོན་རྣམས་འཚོལ་བ་གཅེས།།” ཟེར་གསུངས་དོ་བཟུམ་ ཡི་གུ་འབྲི་བའི་སྐབས་ལུ་ ཡིག་སྡེབ་མ་དགཔ་སྦེ་འབྲི་བ་ཅིན་ རང་གིས་མནོ་བའི་དོན་དག་ཚུ་ ཚུལ་བཞིན་དུ་ བརྡ་དོན་སྤྲོད་ལེན་འབད་མ་ཚུགས་པར་ གོ་བརྡ་ཕྱི་འགྱུར་འབད་སྤྲོད་དེ་ རང་གཞན་གཉིས་ཆ་རང་ལུ་ སྟབས་མ་བདེཝ་བྱུང་སྲིད་ནི་ཨིན་མས། ཡིག་སྡེབ་ཚུ་ལེགས་ཤོམ་སྦེ་ དབྱེ་བ་དཔྱད་པ་ཅིན་ འཛོལ་བ་འབྱུང་མི་སྲིད། ཨིན་རུང་ ཡི་གུ་འབྲི་མ་ཤེས་པའི་རྨོངས་པ་ཚུ་གིས་ ཡི་གུ་འདི་སྡེབ་སྦྱོར་མ་ཚང་བ་བྲིས་བའི་བསྒང་ལས་ སོ་སོར་སྦེ་ལྷག་སྟེ་ གོ་བ་ཚུ་དོན་དང་མ་མཐུན་པ་ ཕྱི་འགྱུར་སྦེ་སྤྲོདཔ་ལས་ རིག་པའི་ལམ་ལུ་ གནས་མི་གང་ཟག་ཚུ་གིས་ དག་ཆ་དག་ཏོག་ཏོ་སྦེ་འབྲི་ཐབས་ལུ་ བརྡ་སྤྲོད་པའི་གཞུང་ལུགས་དང་དག་ཡིག་ཚུ་ལུ་ སྦྱང་བཙོན་སྒྲ་དག་སྤུས་དག་སྦེ་ འབད་ནི་འདི་གལ་ཆེ་ནི་ཨིན་མས།དེ་ཉིད་ཀྱིས་ (ཤོག་གྲངས་༢༡ལས་༢༢) “གང་དག་ཡི་གི་འབྲི་བ་པོར། །སྙོམས་གཙང་འགྲིག་གསུམ་ལྡན་པ་དང་།… Continue Reading →

རྫོང་ཁའི་ཡིག་སྡེབ་ཀྱི་ལྕོགས་གྲུབ་ཁྱད་ཚད་དང་ལྡནམ་སྦེ་མེད་པའི་རྒྱུ་རྐྱེན། Why poor competency level in Dzongkha Spelling

དང་པ་ར་ སློབ་ཕྲུག་ཚུ་གིས་ ཡིག་སྡེབ་དག་ཏོག་ཏོ་སྦེ་ འབྲི་མ་ཚུགས་མི་འདི་ཡང་ ཆུང་ཀུའི་བསྒང་ལས་ར་ དག་ཡིག་དང་ཚིག་མཛོད་ནང་ཡོད་པའི་ སྡེབ་སྦྱོར་ཚུ་བལྟ་ནི་དང་ ལག་ལེན་འཐབ་ནི་ལུ་ གོམས་གཤིས་མེདཔ་ལས་བརྟེན་ཨིན་མས། དབྱངས་ཅན་གྲུབ་པའི་རྡོ་རྗེ་གིས། (༢༠༠༤) “ཚིག་གི་སྒྲ་ཙམ་འདྲ་ན་ཡང་། ། དོན་ལ་ཁྱད་པར་ཤིན་ཏུ་ཆེ། །” ཟེར་གསུངས་དོ་བཟུམ་སྦེ་ “དུས་ཀྱི་བསྐལ་པ་བ་སའི་བསྐལ།། ཁུར་ཆ་བཀལ་ནི་བ་བཀལ་ཨིན།” (བློ་གསར་ཡིག་སྡེབ་ལམ་སྟོན་ཟླ་བའི་འོད་ཟེར། ༢༠༠༩ ཤོག་གྲངས་༢) འདི་ཚུ་ ཁ་ལས་སླབ་པའི་སྐབས་ལུ་ བརྗོད་སྒྲ་བསྐལ། བཀལ། གཉིས་ལུ་ཡང་ སྡེབ་དང་དོན་དག་མ་འདྲཝ་སྟོནམ་ལས་ ཨ་ལོ་ཚུ་གིས་ དག་ཡིག་འདི་ཚུ་ བློར་བཟུང་མ་འབད་བ་ཅིན་ དུས་ཀྱི་བསྐལ་པ་བྲི་ནི་འདི་ ཁུར་ཆ་བཀལ་ནི་གི་བཀལ་བྲི་བ་ཅིན་ གཞན་ལུ་གོ་བརྡ་ཕྱི་འགྱུར་སྤྲོད་ནི་ཨིན་མས། དེ་འབདཝ་ལས་ སློབ་ཕྲུག་ཚུ་ ཆུང་ཀུའི་བསྒང་ལས་ར་ དག་ཡིག་དང་ཚིག་མཛོད་བལྟ་ནི་དང་ ལག་ལེན་འཐབ་ནི་ལུ་ སྦྱང་བ་བྱིན་དགོཔ་འདུག།དེ་བཟུམ་སྦེ་ རྫོང་ཁའི་ཡིག་སྡེབ་འཛོལ་བ་འདི་… Continue Reading →

« Older posts

© 2021 Thinley's Journey — Powered by WordPress

Theme by Anders NorenUp ↑